09.06.2026 | 18:39
Կարապետ Գուլոյանի նկատմամբ հանրային քրեական հետապնդում է հարուցվել
Փաշինյանը կպաշտոնավարի ընտրությունների ընթացքում. HRW զեկույցը հայ գերիների խոշտանգման մասին. Լուրեր
Քաղաքականություն
19.03.2021 | 15:06
Մինչև ընտրություններ վարչապետի ժամանակավոր պաշտոնակատար է լինելու Նիկոլ Փաշինյանը: Այդ մասին լրագրողների հետ զրույցում տեղեկացրել է ԱԺ փոխխոսնակ Ալեն Սիմոնյանը: Նա չի բացառել, որ խորհրդարանական ուժերի հետ քննարկումներ կլինեն նոր Ընտրական օրենսգրքով ընտրություններ կազմակերպելու հարցի շուրջ:
—
Ադրբեջանական ուժերը բռնության են ենթարկել ռազմական գործողությունների հետևանքով գերության մեջ հայտնված հայ ռազմագերիներին՝ նրանց խոշտանգումների ենթարկելով ինչպես գերեվարելու պահին, այնպես էլ տեղափոխելիս կամ քննչական մեկուսարաններում պահելիս։ Այս մասին ասվում է միջազգային իրավապաշտպան Human Rights Watch կազմակերպության հայտարարության մեջ:
—
Այնպիսի տպավորություն է, որ հանձնեցինք ու պրծանք։ Այս մասին Ազգային ժողովում հայտարարել է ԻՔ խմբակցությունից դուրս եկած պատգամավոր Թագուհի Թովմասյանը։ Նա հայտնել է, որ նույն խմբակցությունից դուրս եկած Աննա Գրիգորյանի և Սոֆյա Հովսեփյանի հետ ստեղծում են «Արցախ» նախաձեռնություն։
—
