18.12.2025 | 23:24
ՀՀ տարածքում ավտոճանապարհները հիմնականում անցանելի են
Լաքոտը՝ հայ գերիների վերադարձի պահանջի մասին, Շոյգուն՝ Հայաստան-Ադրբեջան երկխոսության․ Լուրեր
Քաղաքականություն
17.03.2021 | 15:20
Ռուս-թուրքական համագործակցության վերջին «աշխատանքը» եղել է Լեռնային Ղարաբաղը։ Այս մասին հայտարարել է Ռուսաստանի պաշտպանության նախարար Սերեգյ Շոյգուն։ Նրա խոսքով՝ դա պարզ գործողություն չէր։ Շոյգուն ասել է, որ հույս ունի՝ եկել է ժամանակը, որ Հայաստանը և Ադրբեջանը խոսեն միմյանց հետ։
—
Հայաստանում Ֆրանսիայի դեսպան Ժոնաթան Լաքոտը վստահեցնում է, որ Ադրբեջանում պահվող հայ ռազմագերիները պետք է ՀՀ վերադարձվեն: Նա նշել է, որ գործընթացը պետք է իրականացվի ոչ միայն նոյեմբերի 9-ի հայտարարության հիման վրա, այլև հիմնվելով միջազգային կոնվենցիաներով հաստատված մարդու իրավունքների պաշտպանության վրա։
—
ԱԺ փոխնախագահ, իմքայլական պատգամավոր Ալեն Սիմոնյանը հայտարարել է, որ քաղաքական ուժերի մի մասը տարբեր պատճառներով չի ուզում արտահերթ ընտրություններ, թեև պահանջում է դա։ Սիմոնյանը նշել է, որ մի մասը վստահ է, որ չի անցնելու այդ ընտրություններում, իսկ օրինակ ԼՀԿ-ն ցանկանում է ոչ թե ընտրություններ, այլ իր կշռի մեծացում։
ԼՀԿ-ից այս խոսքերին պատասխանել է խմբակցության ղեկավար Էդմոն Մարուքյանը և պնդել է, որ ընտրություններ կազմակերպելու համար իշխանական թիմը պայման է դնում, որ իրենք կողմ քեվարկեն նոր ընտրական օրենսգրքին։
