Քաղաքականություն
17.03.2021 | 13:22
ՌԴ պաշտպանության նախարար Սերգեյ Շոյգուն ղազախական Tengrinews գործակալությանը տված հարցազրույցում խոսել է ԼՂ հակամարտության ու ռուս-թուրքական բարդ հարաբերությունների մասին։ Վերջինս նշել է, որ ռուս-թուրքական համագործակցության վերջին «աշխատանքը» եղել է Լեռնային Ղարաբաղը։
«Դա պարզ գործողություն չէր։ Հենց այսպես կուզենայի այն անվանել, և ոչ այլ կերպ։ Քանի որ միմյանց դեմ պայքարում են երկու եղբայրական ժողովուրդներ, մեր երկու մտերիմ հարևանները, նրանք, որոնց հետ ապրել ենք և ապրելու ենք խաղաղության, համաձայնության և բարեկամության մթնոլորտում․․․
Մյուս կողմից դրան ներգարվվել էր Թուրքիան ու այդ պատճառով էլ անհրաժեշտ էր խոսել ու զբաղվել նաև թուրք գործընկերների հետ։ Մեր նախագահը, հավատացեք, տիտանական ջանքեր է ներդրել, որպեսզի այս ամենը կայանա։ Ընդ որում, ստիպված էր համոզել բոլորին։ Այսինքն չկար մեկը, որ կասեր՝ «Ես համաձայն եմ, միայն նրանց համոզեք»։ Ո՛չ, ստիպված էինք համոզել բոլորին։ Մենք էլ մեր մակարդակի գործընկերների կամ նախարարների հետ էինք խոսում, խոսում էինք և մեր թուրք գործընկերների հետ։ Սակայն այն, ինչ այսօր արվել է, առաջին հերթին, այն է, որ մարդիկ դադարել են սպանել միմյանց: Երկրորդ՝ հուսով եմ, որ այժմ եկել է ժամանակը, որպեսզի նրանք երկկողմ շփումների անցնեն և միմյանց հետ սկսեն խոսել: Նկատի ունեմ Ադրբեջանն ու Հայաստանը»,- նշել է Ռուսաստանի պաշտպանության նախարարը։
Տաթև Ֆռանգյան
