19.02.2026 | 23:00
ՀՀ ԱԺ նախագահը հայտարարում է Կոռուպցիայի կանխարգելման հանձնաժողովի անդամների պաշտոններում թեկնածուների ընտրության մրցույթ
Ադրբեջանը 10.000 զորքով զորավարժություն կանցկացնի, Բաքուն ազատ արձակեց Մարալ Նաջարյանին. Լուրեր
Քաղաքականություն
11.03.2021 | 12:04
Ադրբեջանի ԶՈՒ-ը մարտի 15-18-ը անցկացնելու են զորավարժություններ, որոնց կմասնակցեն մինչև 10․000 զինծառայողներ, 100 միավոր տանկ ու այլ զրահատեխնիկա, մինչև 200 հրթիռահրետանային կայաններ, ականանետներ, մինչև 30 միավոր ռազմական ավիացիա, ինչպես նաև անօդաչու թռչող սարքեր։
—
Ադրբեջանի կողմի Բերձորում գերեվարված Մարալ Նաջարյանն ազատ է արձակվել ու վերադարձել է տուն` Բեյրութ: Հայտնել է Լիբանանում Հայաստանի դեսպանությունը: Նաջարյանը գերեվարվել էր նոյեմբերի 10-ին՝ Բերձորում, ուր մեկնել էր անձնական իրերը վերցնելու։
—
ՀՀ-ում UNICEF-ի ներկայացուցիչ Մարին Քլարկ-Հաթթինգը մեկնել է Հայաստանից: Տեղեկացրել են ՅՈՒՆԻՍԵՖ-ի Հայաստանի ներկայացուցչությունից։ Հիշեցնենք, որ մինչ այս տեղեկություն էր տարածվել, որ պաշտոնյան լրտեսություն է արել Ադրբեջանի և Մեծ Բրիտանիայի օգտին:
—
Հայաստանում մեկ օրում կորոնավիրուս է ախտորոշվել 748 մարդու մոտ։ Սա ամենաբարձր ցուցանիշն է սկսած դեկտեմբերից։ Մեկ օրում կորոնավիրուսի պատճառով մահացել է ևս 2 մարդ։
