Քաղաքականություն
10.03.2021 | 21:22
Ադրբեջանի ԶՈՒ-ը մարտի 15-18-ը կանցկացնեն օպերատիվ-մարտավարական զորավարժություններ տարբեր տեսակի զորքերի ներգրավմամբ։ Այս մասին հաղորդում են ադրբեջանական լրատվամիջոցները՝ վկայակոչելով երկրի ՊՆ-ին։
«Մարտի 15-ից ադրբեջանական բանակում կանցկացվեն օպերատիվ-մարտավարական զորավարժություններ՝ տարբեր տեսակի զորքերի ներգարվմամբ։ Զորավարժությունները, որոնք կանցկացվեն պաշտպանության նախարարի ղեկավարությամբ, կմասնակցեն մինչև 10․000 զինծառայողներ, 100 միավոր տանկ ու այլ զրահամեքենա, մինչև 200 տարբեր տրամաչափի հրթիռահրետանային կայանքներ, ականանետեր, մինչև 30 միավոր ռազմական ավիացիա, ինչպես նաև տարբեր նշանակության անօդաչու թռչող սարքեր»,- ասվում է ՊՆ հաղորդագրության մեջ։
Զորավարժությունները, որոնք անցկացվելու են լեռնաանտառային տեղանքում՝ բարդ ռելիեֆով, հիմնական ուշադրությունը դարձվելու է զորքերի կառավարմանը, նրանց մարտական պատրաստվածության վիճակին ու վերախմբավորմանը, այդ թվում՝ կատարելագործելով մարտական համակարգումն ու համագործակցությունը համաբանակային կազմավորումների, հրթիռային ու հրետանային զորքերի, ավիացիայի ու հատուկ նշանակության զորքերի միջև։
«Զորավարժությունների ընթացքում, որոնք կտևեն մինչև մարտի 18-ը, զորքերը կկատարեն ահաբեկչական խմբերի, ինչպես նաև անօրինական զինված խմբավորումների դեմ պայքարի առաջադրանքներ ու հակաահաբեկչական գործողություններ»,- նշվում է հայտարարությունում։
Էմմա Չոբանյան
