25.04.2026 | 11:11
Արտարժույթների փոխարժեքները՝ ապրիլի 25-ի դրությամբ
Գերիների հարազատները փակել են Շիրակի մարզպետարանը. Լուրեր
Քաղաքականություն
05.03.2021 | 15:15
ԱԺ ԲՀԿ խմբակցությունը դեռ արտահերթ ընտրությունների մասին քննարկում չի ունեցել. խորհրդարանական ճեպազրույցների ժամանակ հայտարարել է խմբակցության քարտուղար Արման Աբովյանը: Խմբակցության պատգամավոր Իվետա Տոնոյանը հավելել է, որ վարչապետ Նիկոլ Փաշինյանի վերջին առաջարկի մասով հանդիպում և քննարկում չեն ունեցել։
—
Իսկ «Լուսավոր Հայաստանը» արդեն ունի դիրքորոշում՝ իրավիճակից դուրս գալու արտահերթ խորհրդարանական ընտրություններն են։ Այս մասին ճեպազրույցի ժամանակ ասել է խմբակցության ղեկավար Էդմոն Մարուքյանը։ Նա նշել է, որ շարունակելու են փնտրել լուծումներ՝ երկիրն այս վիճակից հանելու համար։
—
«Իմ քայլը» խմբակցության պատգամավորներ Հայկ Կոնջորյանը, Սուրեն Գրիգորյանը և Արուսյակ Ջուլհակյանը ճեպազրույցի ժամանակ դատապարտել են քաղաքական գործիչների տների դիմաց ծաղկեպսակներ և դագաղներ դնելը: Ջուլհակյանը ասել է, որ այդպիսի երևույթերը սկսել են ոչ թե իրենց աջակիցները 2018-ին, այլ նախկին իշխանության համակիրները՝ 2008 թվականին։
—
Շիրակցի գերիների հարազատները կրկին բողոքի ակցիա են իրականացնում Շիրակի մարզպետարանում։ Նրանք առավոտյան փակել են մարզպետարանի մուտքը։ Նրանք պահանջում են իրենց որդիների վերադարձի հստակ ժամկետ հայտնել, ինչպես նաև հանդիպում վարչապետ Նիկոլ Փաշինյանի հետ։
