07.10.2026 | 23:48
Արթուր Դանիելյանը կալանավորվեց
Դագաղներ, ծաղկեպսակներ դրվում էին դեռևս 2008-ին՝ ներկայիս ընդդիմադիրների կողմից, մեր «ցանածը» չի դա. Արուսյակ Ջուլհակյան. ՏԵՍԱՆՅՈՒԹ
Քաղաքականություն
05.03.2021 | 12:10
Ազգային ժողովի «Իմ քայլը» խմբակցության պատգամավորներ Հայկ Կոնջորյանը, Սուրեն Գրիգորյանը և Արուսյակ Ջուլհակյանը դատապարտում են քաղաքական գործիչների տների դիմաց ծաղկեպսակներ և դագաղներ դնելու երևույթը:
Քաղաքական գործիչների տան դիմաց դագաղներ, ծաղկեպսակներ տեղադրելու երևույթը առաջին անգամ ի հայտ են եկել ոչ թե 2018-ին այլ 2008-ին՝ ներկայիս ընդդիմադիր գործիչների կողից, երբ նախագահ Լևոն Տեր-Պետորսյանի տան դիմաց օրեր շարունակ հուղարկավորության տեսարաններ էին արվում։ Այս մասին խորհրդարանական ճեպազրույցում հիշեցրեց ԱԺ «Իմ քայլը» խմբակցության պատգամավոր Արուսյակ Ջուլհակյանը՝ անդրադառնալով դիտարկմանը, որ այսօր քաղաքացիները ծաղկեպսակ են դրել Նիկոլ Փաշինյանի աներորդու, պատգամավոր Հրաչյա Հակոբյանի տան դիմաց, և, թերևս, իմքայլականները հնձում են այն, ինչ ցանել են:
«Իմ քայլի» պատգամավորները հիշեցրին, որ 2018-ին «Իմ քայլի» աջակիցներն էին դագաղներ, սև ժապավեններ տեղադրում հանրապետականների տների մոտ, ոչ թե իրենք, և այդ երևույթն իրենք դատապարտել են և՛ 2018-ին, և՛ 2008-ին և՛ հիմա։
«Թե՛ նախկինում և թե՛ հիմա ես չեմ ողջունում նման գործելաոճը»,- ասաց Հայկ Կոնջորյանը` նկատի ունենալով նաև 2018 թ. թավշյա հեղափոխության ընթացքում արձանագրված նման դեպքերը:
Պատգամավոր Սուրեն Գրիգորյանը նշեց, որ քաղաքական գործիչների նկատմամբ կարող է լինել ամենակոշտ քննադատությունը, բայց իրենց քաղաքական գործունեության շրջանակներում: «Երբևէ իրենց անձի դեմ ուղղված որևէ ճնշում անընդունելի է` անկախ այդ քաղաքական գործիչների քաղաքական ուժի պատկանելիությունից»,- նշեց Գրիգորյանը:
Մանրամասները՝ տեսանյութում:
