18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Շիրակցի գերիների հարազատները փակել են մարզպետարանի մուտքը․ հերթական բողոքի ակցիան
Հասարակություն
05.03.2021 | 13:06
Շիրակցի գերիների հարազատները կրկին բողոքի ակցիա են իրականացնում Շիրակի մարզպետարանում։ Նրանք առավոտյան փակել են մարզպետարանի մուտքը, իսկ շենքում աշխատակիցներ չկան։
Նշենք, որ գերեվարվածների հարազատներն ու ծնողներն օրեր առաջ ևս բողոքի ակցիա էին իրականացրել Շիրակի մարզպետարանում։ Նրանք պահանջում են իրենց որդիների վերադարձի հստակ ժամկետ հայտնել, ինչպես նաև հանդիպում վարչապետ Նիկոլ Փաշինյանի հետ։
Հիշեցնենք՝ Հադրութի Հին Թաղեր ու Խծաբերդ բնակավայրերում դեկտեմբերի 16-ին՝ ռազմական գործողությունների ավարտից հետո, Շիրակի մարզի տարբեր համայնքների 62 զինվորականներ գերեվարվեցին Ադրբեջանի կողմից։ Նրանց նկատմամբ Ադրբեջանի իշխանությունները հարուցել են տարբեր քրեական գործեր, որակել դիվերսանտներ ու հրաժարվում են հետ վերադարձնել։ 8 շիրակցիներ արդեն վերադարձել են․ հունվարի 28-ին Հայաստան վերադարձավ 5 շիրակցի գերի, փետրվարի 8-ին՝ ևս 5-ը, որոնցից 3-ը՝ Գյումրիից։ Մնացյալ 54 գերիները շարունակում են մնալ Ադրբեջանում։
Էմմա Չոբանյան
