29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Իրաքյան Քուրդիստանը դատապարտել է Թուրքիայի գործողությունները Աֆրինում
Քաղաքականություն
01.02.2018 | 11:29
Իրաքյան Քուրդիստանի խորհրդարանn արտահերթ նիստ է հրավիրել, որի ժամանակ դատաpարտվել է Թուրքիայի կողմից քրդերի դեմ Աֆրինում իրականացվող «Ձիթենու ճյուղ» ռազմական գործողությունը. փոխանցում է EH-ն:
Թուրքական «Gazetekarinca» ընդդիմադիր թերթի կայքը, հղում անելով քրդական «Rudaw»-ին, նշում է, որ խորհրդարանը ՄԱԿ-ին կոչ է արել ճնշում գործադրել Թուրքիայի վրա ու ստիպել նրան հարգել միջազգային և հարևան ժողովուրդների իրավունքները:
Պահանջվել է, որ Աֆրինի սահմանները բաց լինեն, որպեսզի հնարավորություն լինի հումանիտար օգնություն ուղարկել այնտեղ: Նշվել է, նաև որ հարցը պետք է լուծվի ոչ թե ուժով և զենքով, այլ երկխոսությամբ:
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։
