14.12.2025 | 18:20
Թաիլանդն ու Կամբոջան շարունակում են ռազմական գործողությունները
Կլինի՞ նոր աշխատատեղեր չստեղծեք. Հրանտ Բագրատյանը՝ Արմեն Սարգսյանին
31.01.2018 | 19:54
ՀՀ նախկին վարչապետ, ԱԺ 5-րդ գումարման պատգամավոր, տնտեսագետ Հրանտ Բագրատյանը ֆեյսբուքի իր էջում անդրադարձել է ՀՀ 4-րդ նախագահի թեկնածու Արմեն Սարգսյանի՝ աղքատությունը վերացնելու նպատակով աշխատատեղեր ստեղծելու խոստմանը: Գրառումը՝ ստորև
«Անդրադառնալով երկրում 30 տոկոս աղքատության ցուցանիշին՝ Արմեն Սարգսյանն ասել է. «Չեմ կարծում, որ որևէ մեկը կարող է բարեգործությամբ լուծել հարցը: Հարցի լուծման ճանապարհը հստակ է` աշխատանք ունենալ և վարձատրվել այդ աշխատանքի համար, պահել իր արժանապատվությունը, դրանով դուրս գալ աղքատությունից: Եթե առաջադրվեմ և դառնամ ՀՀ նախագահ, իմ բոլոր ջանքերը ներդնելու եմ տնտեսությունը զարգացնելու, աշխատատեղեր ստեղծելու համար: Ներդրումներ ունենալն ինքնանպատակ չէ»:
Նախի, նոր Սահմանադրությամբ Նախագահը նման լազորություններ չունի։ Երկորդ, քանի՞ տարի բացատրենք, որ կլինի՞ նոր աշխատատեղեր չստեղծեք։ Արդեն ավելի քան 20 տարի ՀՀԿ-ն դրանով է զբաղված։ Տնտեսական ինստիտուտների էվոլյուցիան ցույց է տալիս, որ ներկայիս տեխնոլոգիական զարգացումները պահանջում են ինքնազբաղվածություն, ՓՄՁ։ Մարդիկ իրենք պետք է աշխատատեղ ստեղծեն իրենց համար։ ՀՆԱ 70%-ը այդ ինստիտուտներում է ձևավորվում մեզանից ավելի լուրջ երկրներում։ Դրա համար տևական աճ կա»,- գրել է նա:
