15.11.2024 | 16:37
Դուք պալատական հեղաշրջում կազմակերպեցիք ԼՂ-ում. Արթուր Հովհաննիսյանն՝ ընդդիմությանը․ ՏԵՍԱՆՅՈՒԹ
Լիբանանցի գործարարը Շիրակի մարզում նոր ներդրումային ծրագրեր է դիտարկում
Տնտեսություն
29.01.2018 | 13:52
Լիբանանյան գործարար առաքելության ընթացքում ձեռք բերված պայմանավորվածությունների արդյունքում կիրակի Գյումրի է այցելել «Gardenia Grain D’or» ընկերության հիմնադիր Նիկոլաս Աբու Ֆայսալը։
Հայաստանի զարգացման հիմնադրամից հայտնում են, որ նրա ղեկավարած ընկերությունը Հայաստանում զբաղվում է ընկույզի այգիների հիմնմամբ ու մշակմամբ։ Այս տարի ավարտին հասցվող ծրագրով ակնկալվում է 2025 թվականին հասնել առավելագույն արտադրողականության։ Նիկոլաս Աբու Ֆայսալը հայաստանյան այս այցի ընթացքում քննարկել է նոր բիզնես հնարավորություններ Գյումրիում, ծանոթացել հողերի որակին։ Գործարարը հանդիպում է ունեցել Գյումրիի քաղաքապետ Սամվել Բալասանյանի հետ, տեքստիլ ձեռնարկության ղեկավարների հետ, նաև ԳՏԿ-ում գործող՝ բիզնեսի ավտոմատացմամբ զբաղվող «Resal Soft» ընկերության տնօրենի հետ:
«Հայաստանում հաջող բիզնեսի փորձ ունեցող լիբանանյան գործարարի այս անգամվա հանդիպումները Գյումրիում և Շիրակի մարզում նաև իր բիզնեսում ՏՏ լուծումների, ավտոմատացման համակարգերի օգտագործման հնարավորությունները դիտարկելու նպատակ ունեն։ Մեր պոտենցիալ գործընկերոջը ներկայացրել ենք Գյումրիի տեխնոլոգիական կենտրոնի ստարտափերի ներուժը»,- նշել է Գյումրիում ՀԶՀ պաշտոնական ներկայացուցիչ, ԳՏԿ Զարգացման կառավարիչ Ամալյա Եղոյանը։
«Հայաստանում գործող լիբանանյան բանկի փաստը, որակավորված մասնագետների առկայությունն ու ներդրողների առջև «բաց դռների» քաղաքականություն վարող կառավարության գործունեությունը երկիրը գրավիչ են դարձնում բիզնեսի տեսակետից»,- նշել է «Gardenia Grain D’or» ընկերության հիմնադիր Նիկոլաս Աբու Ֆայսալը։
Գյուղատնտեսության, ՏՏ և տեքստիլ ոլորտներում ներդրումների նախնական պայմանավորվածություններ են ձեռք բերվել։
