01.08.2026 | 19:54
«Ուժեղ Հայաստան» խմբակցության ղեկավար է ընտրվել Նարեկ Կարապետյանը, խմբակցության քարտուղար՝ Տիգրան Աբրահամյանը
Թրամփը COVID-19 հիվանդությունը շատ ավելի ծանր է տարել, քան հայտարարվել է․ The New York Times
Քաղաքականություն
12.02.2021 | 17:54
Հոկտեմբեր ամսին դեռևս ԱՄՆ նախագահի պաշտոնը զբաղեցնող Դոնալդ Թրամփը COVID-19 հիվանդությունը շատ ավելի ծանր է տարել, քան հրապարակայնորեն հայտարարվել է։ Այս մասին գրել է The New York Times -ը՝ հղում անելով 4 տարբեր աղբյուրների։
Թերթի տվյալների համաձայն՝ Թրամփի արյան մեջ թթվածնի տոկոսը կտրուկ ընկել է, բացի այդ, նա թոքերի հետ կապված բավականին լուրջ խնդիրներ է ունեցել։ Ինչպես նշում են աղբյուրները, այս պատճառով էլ մինչ Ուոլտեր Ռիդի անվան ռազմական բժշկական կենտրոն տեղափոխելը քննարկվել է նրան թոքերի արհեստական շնչառության սարքին միացնելու հավանականությունը։
Ավելի վաղ Դոնալդ Թրամփին արդեն քննադատել էին սեփական հիվանդությանը ոչ լուրջ վերաբերվելու համար։ The Wall Street Journal-ը գրել էր, որ Թրամփը թաքցրել է կորոնավիրուսի իր առաջին թեստի արդյունքները։ Հոսպիտալացվելուց 3 օր անց նա լքել է բժշկական կենտրոնն ու վերադարձել է Սպիտակ տուն։
Տաթև Ֆռանգյան
