18.12.2025 | 10:00
ՆԳՆ ոստիկանությունը հորդորում է Մայր Աթոռում նախատեսված հավաքի ընթացքում զերծ մնալ սադրիչ և հակաիրավական գործողություններից
ՃՏՊ Էջմիածնում. մեքենան դուրս է եկել ճանապարհի երթեկելի հատվածից, բախվել ծառին և էլեկտրասյանը
26.01.2018 | 10:48
Հունվարի 26-ին, ժամը 01:39-ին տեղեկություն է ստացվել, որ Արմավիրի մարզի Էջմիածին քաղաքի Մաշտոցի փողոցի թիվ 77 տան դիմաց տեղի է ունեցել ՃՏՊ՝ կա տուժած, որը արգելափակվել է ավտոմեքենայում. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ «Mitsubishi Pajero io» մակնիշի պետհամարանիշի 77 RP 717 (վարորդ՝ Հ. Ե.) ավտոմեքենան դուրս է եկել ճանապարհի երթեկելի հատվածից, բախվել ծառին և էլեկտրասյանը:
Մինչ փրկարարների՝ կանչի վայր հասնելը Հ. Ե.-ը տեղի ուժերով դուրս է բերվել ավտոմեքենայից և հոսպիտալացվել Վաղարշապատի ԲԿ, որտեղ բժիշկները տուժածի առողջական վիճակը գնահատել են բավարար:
Փրկարարները հոսանքազրկել են ավտոմեքենան և փակել գազի փականը:
