05.05.2024 | 12:13
Արտարժույթների փոխարժեքները՝ մայիսի 5-ի դրությամբ
Անհետ կորած ադրբեջանցի զինծառայողների ծնողները բողոքի ակցիա են անցկացրել
Քաղաքականություն
08.02.2021 | 18:19
Արցախյան երկրորդ պատերազմում անհետ կորած ադրբեջանցի զինծառայողների հարազատներն այսօր բողոքի ակցիա են անցկացրել Ադրբեջանի Պաշտպանության նախարարության շենքի դիմաց։ Ծնողները բողոքել են, որ արդեն 5 ամիս է՝ իրենց երեխաներից որևէ լուր չունեն։
«Թող գտնեն աճյունները, եթե նրանք զոհվել են, ու փոխանցեն մեզ։ Եթե պետությունը չի կարող գտնել նրանց, թող մեզ հնարավորություն տան, ինքներս փնտրենք։ Հնարավոր է, որ նրանք չեն էլ զոհվել, այլ գերի են ընկել։ Մեզ ոչինչ չեն ասում»,- ասել են բողոքի ակցիայի մասնակիցներից մեկը։
Պաշտպանության նախարարությունից, սակայն, ոչ ոք չի արձագանքել բողոքին, որևէ պաշտոնյա ցուցարարների հետ չի հանդիպել։ Ծնողները նաև նշել են, որ իրենց զանգերին ՊՆ-ից պատասխանում են՝ հորդորելով սպասել, քանի որ որոնումները շարունակվում են։
Նշենք, որ Արցախյան պատերազմի մասնակիցներն ու նրանց հարազատներն Ադրբեջանում պարբերաբար բողոքի տարաբնույթ ակցիաներ են անցկացնում։
Հավելենք նաև, որ Ադրբեջանի ՊՆ-ի պաշտոնական վերջին տվյալներով՝ պատերազմում զոհվել է 2855 զինծառայող, 50-ը համարվում է անհետ կորած։
Էմմա Չոբանյան
