02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Թբիլիսիում զինված անձինք փորձել են սուպերմարկետ թալանել
Քաղաքականություն
03.02.2021 | 16:00
Թբիլիսիի Չիտայ փողոցում զինված անձինք փորձել են սուպերմարկետ թալանել։ Այս մասին հայտնում է apsny.ge-ն։ Համաձայն առկա տեղեկության՝ երկու զինված անձինք ներխուժել են սուպերմարկետ, սակայն շուտով դեպքի վայր են ժամանել իրավապահ մարմինների աշխատակիցներն ու գողերը ձերբակալվել են։
«Պարեկային ոստիկանության վարչություն հաղորդագրություն է ստացվել այն մասին, որ երկու մարդ մտել է Չիտայ փողոցի վրա գտնվող «Սպար» սուպերմարկետ։ Նրանք զինված են եղել։Հաղորդագրությունը ստանալուն պես պարեկային թիմն անմիջապես ժամանել է դեպքի վայր։ Հետաքննություն է սկսվել 2 հոդվածներով՝ գողություն ու կրակային զենքի ապօրինի ձեռքբերում, պահում ու կրում հոդվածներով։ Դեպքի վայրում հետաքննչական գործողություններ են տարվում»,- հայտարարել է Թբիլիսիի պարեկային ոստիկանության ղեկավար Լաշա Ջոխաձեն։
Հիշեցնենք՝ հոկտեմբերին 21-ին Զուգդիդի քաղաքում դիմակով տղամարդը նռնակով և ինքնաձիգով ներխուժել էր Վրաստանի բանկի մասնաճյուղի շենք և պատանդ վերցրել ավելի քան 40 մարդու, որոնց թվում են եղել ֆինանսական հաստատության աշխատակիցներն ու հաճախորդները։ Այս դեպքից մոտ մեկ ամիս անց նմանատիպ մեկ այլ բանկային գողության դեպք էր գրանցվել նաև Թբիլիսիում։ Երկու դեպքում էլ գողերին հաջողվել էր դիմել փախուստի։
Տաթև Ֆռանգյան
