17.09.2026 | 16:39
Դուք պետք է չլինեք ԿԸՀ նախագահ, վառ արտահայտում եք հավասարակշռության բացակայությունը․ Կարապետյան․ ՏԵՍԱՆՅՈՒԹ
Վրաստանում բանկի հերթական գողությունն է գրանցվել․ Sputnik-Georgia
Քաղաքականություն
27.11.2020 | 17:32
Վրաստանի մայրաքաղաք Թբիլիսիում բանկի հերթական գողությունն է գրանցվել։ Դիմակավորված տղամարդը ներխուժել է «Վրաստանի բանկ»-ի մասնաճյուղ։ Միջադեպը տեղի է ունեցել ժամը 12։00-ի սահմաններում։ Տղամարդը վերցրել է գումարն ու փախուստի դիմել դեպքի վայրից։ Այս մասին հայտնում է Sputnik-Georgia-ն։
Գողության ժամանակ բանկում գտնվողներից մեկը պատմել է, որ հանցագործը դիմակավորված է եղել ու սպառնացել է ատրճանակով՝ բանկի օպերատորից պահանջելով գումար։
Գողության վայրում աշխատում են ոստիկանության աշխատակիցները։ Հայտնի չէ՝ որքան գումար է գողացել հանցագործը։
Վրաստանի ՆԳՆ-ն հաստատել է տեղեկությունն ու հայտնել, որ հետաքննություն է տարվում կողոպուտ հոդվածով։
Հիշեցնենք՝ հոկտեմբերին 21-ին Զուգդիդի քաղաքում դիմակով տղամարդը նռնակով և ինքնաձիգով ներխուժել է Վրաստանի բանկի մասնաճյուղի շենք և պատանդ վերցրել ավելի քան 40 մարդու, որոնց թվում են եղել ֆինանսական հաստատության աշխատակիցներն ու հաճախորդները։ Նա իշխանություններից պահանջել է 500 հազար դոլար, մեքենա կամ ուղղաթիռ, ինչպես նաև բանկի տարածքից անվնաս հեռանալու երաշխիքներ։
Տաթև Ֆռանգյան
