09.02.2026 | 10:22
Առանձնահատկություններ կսահմանվեն մետրոյի «Աջափնյակ» կայարանի կառուցման գնումների գործընթացներում. ՏԵՍԱՆՅՈՒԹ
Բաղդադում մահապարտ ահաբեկիչների ինքապայթեցման հետևանքով 28 մարդ է զոհվել, կան մի քանի տասնյակ վիրավորներ
Քաղաքականություն
21.01.2021 | 16:49
Իրաքի մայրաքաղաքի բազմամարդ շուկաներից մեկում երկու մահապարտ ահաբեկիչների կողմից ինքնապայթեցման հետևանքով սպանվել է առնվազն 28 մարդ, 73-ը՝ վիրավորվել, հայտնում է Associated press-ը՝ հղում կատարելով տեղի իշխանություններին։
Ահաբեկչությունը գրանցվել է Բաղդադի կենտրոնում գտնվող Բաբ ալ-Շարքի մարդաշատ շուկայում: Նշվում է, որ երկրում մեծացել է լարվածությունը ծանր տնտեսական ճգնաժամի ու նախատեսվող ընտրությունների ֆոնին։ «Շուկայի ողջ տարածքը, վաճառվող հագուստներն ու կոշիկները հեղեղված են մարդկանց արյամբ»,- պատմել են ականատեսները։
Ահաբեկչության համար դեռևս ոչ ոք պատասխանատվություն չի ստանձնել։
Իրաքից զինվորականները հայտարարել են, որ առնվազն 28 մարդ զոհվել է, 73-ը՝ վիրավորվել։ Վիրավորների մի մասի վիճակը ծայրահեղ ծանր է գնահատվում։ Կանխատեսվում է, որ զոհերի թիվը կարող է ավելանալ։
Տաթև Ֆռանգյան
