02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Բացի հայտարարված փաստաթղթից, ոչ մի այլ փաստաթուղթ գոյություն չունի. Ալեն Սիմոնյան. ՏԵՍԱՆՅՈՒԹ
Քաղաքականություն
29.12.2020 | 15:32
Բազմաթիվ անգամ ասվել է, որ բացի նոյեմբերի 9-ին հայտարարված փաստաթղթից, ոչ մի այլ փաստաթուղթ գոյություն չունի, չկա նաև բանավոր որևիցե պայմանավորվածություն։ Այս մասին, այսօր՝ դեկտեմբերի 29-ին, ԱԺ-ում լրագրողների հետ զրույցում նշեց ԱԺ փոխնախագահ Ալեն Սիմոնյանը՝ անդրադառնալով հարցին, թե արդյոք եռակողմ այդ հայտարարությունում կա՞ գաղտնի մաս:
«Առաջին օրվանից խոսվում է ամեն ինչի մասին՝ լուսանկարներ, տեսանյութեր, տարբեր շահարկումներ են տեղի ունենում, բայց ՀՀ սահմանին որևիցե կերպ այդ համաձայնագիրը չի վերաբերում, վերաբերում է այնքանով, որքանով արդեն իսկ նշվել է»,-ասաց Սիմոնյանը:
Անդրադառնալով, որ դիտարկմանը, որ Նիկոլ Փաշինյանը հայտարարել էր, որ եղել են նաև բանավոր պայմանավորվածություններ, Ալեն Սիմոնյանը նշեց. «Կա բանավոր պայմանավորվածություն ոչ թե վարչապետի և Ադրբեջանի նախագահի միջև, այլ Ռուսաստանի Դաշնության հետ, որի մասին գրվում է, օրինակ՝ մամուլում, որ սպասվում է հանդիպում։ Դա սահմաններին չի վերաբերում։ Վերցնում ենք 2 իրողություն. այն պրոցեսը, որը տեղի է ունենում, որի արդյունքում, օրինակ՝ մեր գերիները վերադառնում են, դա նույնպես մի մասով պայմանավորվածություն է ամսի 9-ի, մի մասով բանավոր պայմանավորվածություններ են, որոնք ի կատար են ածվում»:
Մանրամասները՝ տեսանյութում:
