27.03.2026 | 15:02
Ուկրաինան և Սաուդյան Արաբիան պաշտպանական համագործակցության համաձայնագիր են ստորագրել
Ավարտվում է Ստեփանակերտի հյուսիսային ծայրամասերի ականազերծումը
24.12.2020 | 11:14
Ռուսաստանի ՊՆ ականազերծման գործողությունների միջազգային կենտրոնի մասնագետները շարունակում են աշխատանքը Լեռնային Ղարաբաղի տարածքի ականազերծման ուղղությամբ: Ռուսաստանի խաղաղապահ ուժերի ինժեներական ստորաբաժանումներն ավարտում են Ստեփանակերտի հյուսիսային ծայրամասերի ականազերծումը: Այս մասին հայտնում են ՌԴ Պն-ից։
Լեռնային Ղարաբաղում Ռուսաստանի խաղաղապահ ուժերի ինժեներական ստորաբաժանումները մաքրել են 274 հեկտար տարածք, շուրջ 105 կիլոմետր ճանապարհ, 451 շենք-շինություն: Հայտնաբերվել և վնասազերծվել է ավելի քան 8,7 հազար պայթուցիկ առարկա:
Լեռնային Ղարաբաղի պայթուցիկ առարկաներից տարածքն ականազերծելու և մաքրելու ընթացքում ռուս խաղաղապահները օգտագործում են ժամանակակից ռոբոտային համակարգեր, որոնք թույլ են տալիս պահպանել ականազերծման բարձր տեմպը լեռնային տեղանքներում և վատ եղանակային պայմաններում։
Հայտնաբերված պայթուցիկ առարկաները և չպայթած զինամթերքը հանվում և ոչնչացվում են հատուկ սարքավորված հրաձգարաններում: Զինամթերքը, որը հնարավոր չէ տարհանել, ոչնչացվում է տեղում `անվտանգության բոլոր անհրաժեշտ միջոցների կիրառմամբ:
Տաթև Ֆռանգյան
