08.11.2024 | 12:56
Թրամփն իր նախագահության երկրորդ ժամկետում կպահանջի մեկուսացնել Իրանին․ WSJ
Իրանը հրապարակել է խոցված ուկրաինական ինքնաթիռի վերաբերյալ վերջնական զեկույցը․ Ուկրաինային փոխհատուցում կվճարվի
Քաղաքականություն
22.12.2020 | 16:43
Իրանի քաղաքացիական ավիացիայի կազմակերպությունը հրապարակել է Թեհրանի մերձակայքում ուկրաինական ուղևորատար ինքնաթիռի կործանման վերաբերյալ վերջնական տեխնիկական զեկույցը, գրում է Tasnim գործակալությունը։
Զեկույցը տեսակոնֆերանսի միջոցով փոխանցվել է բոլոր այն երկրների պաշտոնյաներին, որոնց քաղաքացիները զոհվել են ողբերգական միջադեպի հետևանքով:
Բացի այդ, ԻԻՀ կառավարության պաշտոնական ներկայացուցիչ Ալի Ռաբիին հայտարարել է, որ իրանական կողմը փոխհատուցում կվճարի սխալմամբ խոցված ուկրաինական ինքնաթիռի համար՝ համաձայն միջազգային նորմերի։ «Փոխհատուցումը պետք է վճարվի միջազգային նորմերին համապատասխան՝ առանց քաղաքացիության հիմքով խտրականության»,- նրա խոսքերն է մեջբերում Իրանի կառավարության մամուլի ծառայությունը:
Ռաբիին հավելել է, որ «փոխհատուցումը չի չեղարկում դատական գործընթացներն ու քրեական պատասխանատվությունը խոցված ինքնաթիռի գործով»:
Հավելենք, որ դեկտեմբերի 9-ին Ուկրաինայի փոխարտգործնախարար Եվգենի Ենինը հայտարարել էր, որ Թեհրանի հետ դեռևս չեն սկսվել փոխհատուցման չափի շուրջ բանակցությունները։
Տաթև Ֆռանգյան
