07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Մարդ չի կարող կառչած մնալ իր խաչից, կանենք ընտրություն, երբ ժամանակը գա․ Ալեն Սիմոնյան. ՏԵՍԱՆՅՈՒԹ
Քաղաքականություն
10.12.2020 | 17:29
Խուճապի մեջ են այն մարդիկ, որոնք մտածում են, թե վարչապետին ժողովրդից զենքով պաշտպանել խուճապ է: Լրագրողների հետ զրույցում ասաց ԱԺ փոխխոսնակ Ալեն Սիմոնյանը:
«Հայաստանը փաստացի պատերազմական դրության մեջ է, ինչպես նաև երկու անգամ իրավիճակ է եղել, երբ ուզել են սպանել ԱԺ նախագահին և գնացել են վարչապետի տուն: Այսինքն դուք համարում եք, որ անհանգստանալու ոչինչ չկա՞»,- ասաց Սիմոնյանը:
Ինչ վերաբերում է պնդմանը, թե Նիկոլ Փաշինյանը կառչած է մնում իր աթոռից, Ալեն Սիմոնյանը նշեց. «Մարդ չի կարող կառչած մնալ իր խաչից: Դա խաչ է, աթոռից կառչածի տրամաբանությունն այն ժամանակ էր, երբ այս շենքում քայլում էին օլիգարխները և հաճախ փող էին բաժնում, կամ ասում էին՝ ինձ 600 եվրո տվեք, որ հարցազրույց տամ: Իսկ եթե մարդ կա, որ պատրաստ է իր խաչից կառչած լինել, ես կարող եմ մեծ հաճույքով մոռանալ իմ պատասխանատվության զգացումը և հետ գնալ: Բայց մենք ունենք անելիք:
Հայաստանում որոշումը կայացնելու է ՀՀ ժողովուրդը: Կանենք ընտրություններ, երբ դրա անհրաժեշտությունը գա: Կլինի դա արտահերթ, կլինի հերթական , որը ես քիչ հավանական եմ համարում քաղաքական լարվածությունը հաշվի առնելով, կապահովենք դա: Մենք միակն ենք, որ ՀՀ-ում ապահովել ենք հնարավորություն, որ դուք օրինակ գնաք ու ընտրեք ոչ թե մեզ, այլ ասենք, ընդդիմությանը: Ոչ թե այն մարդիկ, որոնք «Գազելներով» մարդ էին բերում ընտրության, որոնք գիշերով «Ազատության» գրասենյակ էին մտնում: Ինչո՞ւ էին ՀՅԴ-ի ներկայացուցիչները մտնում «Ազատության» գրասենյակ»:
Մանրամասները՝ տեսանյութում:
