24.06.2026 | 17:49
ՀԱՊԿ-ից հայտարարել են, որ մանրակրկիտ կքննարկեն Հայաստանի անդամակցության հարցը
Պետք է ոչ թե կայունացնել դրամը, այլ խրախուսել ապրանքների ու ծառայությունների մատակարարների միջև մրցակցությունը. Հրանտ Բագրատյան
Տնտեսություն
12.01.2018 | 15:06
ՀՀ նախկին վարչապետ Հրանտ Բագրատյանը ֆեյսբուքի իր էջում Կենտրոնական բանկի կողմից տարվող դրամի կայունացման քաղաքականության վերաբերյալ գրառում է կատարել:
Գրառումը՝ ստորև.
«2005թ ՀՀ-ում ապրանքների ու ծառայությունների դոլարային գները ավելի բարձր էին, քան Բելառուսում՝ 10%, Ղազախստանում՝ 31%, Ղրղզստանում՝ 52%, Ադրբեջանում՝ 55 տոկոսով, Մոլովայում՝ 20%, Ուկրաինայում՝ 20%։
Այդ ժամանակ Վրաստանում գներն ավելի բարձր էին, քան Հայաստանում՝ 3,5%, իսկ ՌԴ-ում դրանք Հայաստանից բարձր էին 26%-ով։
2015-ին պատկերը փոխվել է։ ՀՀ-ն ամենաթանկն է։ Մեզ մոտ ապրանքների ու ծառայությունների դոլարային գները ավելի բարձր էին, քան Բելառուսում՝ 29%, Ղազախստանում՝ 1%, Ղրղզստանում՝ 29%, Ադրբեջանում՝ 33%, Մոլդովայում՝ 17%, Ուկրաինայում՝ 54%, Վրաստանում՝ 8%, ՌԴ-ում՝ 4%։ 2017-ին վիճակն ըստ իս ավելի է խորացել։ Բոլոր թվերը չկան։ Բայց հաստատապես հայտնի է, որ Վրաստանում գներն ավելի էժան են, քան Հայաստանում առնվազն 20-%-ով։ Սա ԿԲ կողմից դրամի կայունացման քաղաքականության արդյունքն է։ Այն բերում է դոլարային գների անշեղ աճի։ Մինչդեռ պետք է ոչ թե կայունացնել դրամը, այլ խրախուսել մրցակցությունը ապրանքների ու ծառայությունների մատակարարների միջև»,- գրել է Բագրատյանը:
