29.04.2026 | 11:55
Թրամփը հանձնարարել է իր օգնականներին պատրաստվել Իրանի երկարաժամկետ շրջափակմանը. WSJ
Փաստաբանը լքեց նիստերի դահլիճը` բողոքելով ԱԺ-ի որոշման դեմ
Հասարակություն
12.01.2018 | 11:33
Ժիրայր Սեֆիլյանի և մյուսների գործով հերթական դատական նիստը մեկնարկեց նրանց համախոհների ծափահարություններով: Նիստի սկզբում դատավոր Տաթևիկ Գրիգորյանը նախազգուշացրեց ամբաստանյալներին, որ եթե հաջորդ անգամ իր ներս մտնելիս նրանք ոտքի չկանգնեն, ապա կհեռացվեն դահլիճից:
Փաստաբան Արայիկ Պապիկյանը դատարանում հայտարարեց, որ Գևորգ Սաֆարյանի պաշտպան Տիգրան Եգորյանը եկել է դատարան, սակայն ներս մտնել չի կարողացել, քանի որ փորձել են խուզարկել նրան: Դատավորը նշեց, որ բարձրացվում է մի հարց, որը դատարանին վերաբերելի չէ:
Հայտարարությամբ հանդես եկավ նաև փաստաբան Արսեն Մկրտչյանը: Նա ասաց, որ 18 րոպեով գործադուլ է հայտարարում ընդդեմ ԱԺ-ի ընդունած օրենսդրական նոր փոփոխության, որով դատարանը կարողանում է մինչև 100 հազար դրամի չափով սանկցիա կիրառել փաստաբանների նկատմամբ: Նիստը 20 րոպեով ընդմիջվեց:
Լիլիթ Շաբոյան
