15.11.2024 | 16:28
ՀԴԲ-ն ձերբակալել է սեպտեմբերի 11-ի նմանությամբ ահաբեկչություն ծրագրած տղամարդու
«Վերևից» հրահանգվել է «Ճվճվ Արոյի» որդուն անաղմուկ դատել. ՀԺ
12.01.2018 | 09:23
«Հայկական ժամանակ» թերթը գրում է.
«Քրեական հեղինակություն համարվող Ճվճվ Արո մականունով հայտնի Արա Վարդանյանի և յուր որդիների՝ Սարգիս և Սերժ Վարդանյանների «սխրագործությունները» 2013 թվականից մամուլի, և որ ամենակարևորն է, իրավապահների ուշադրության կենտրոնում են եղել: Խուլիգանություններ, կողոպուտ, կրակոցներ, թմրանյութ և բազմաթիվ վթարներ. սրանք այն հանցագործություններն են, որոնց կասկածանքով Սարգիս և Սերժ Վարդանյանները պարբերաբար բերման են ենթարկվել, ապա՝ ազատ արձակվել:
Ներկայացնում ենք նրանց կողմից կատարված մի քանի հանցագործությունների քրոնիկոնը:
Հ.Գ. Հիմա Սարգիս Վարդանյանը պետք է դատարանի առաջ կանգնի երկու ՃՈ տեսուչների կյանք խլած ողբերգական ավտովթարի համար: Արդյո՞ք այս անգամ էլ Վարդանյաններին կհաջողվի հերթական անգամ խուսափել քրեական պատասխանատվությունց: Ճիշտ է, այս դեպքում ոստիկաններ են զոհվել, սակայն մինչ այժմ արձանագրված անպատժելիության պատասխանատվությունը իրավապահ համակարգերը միմյանց վրա են բարդում: Ու չի բացառվում, որ չնայած ոստիկանության կրած կորստի, դատական համակարգը կրկին իր թևերը փռի սույն անձի վրա և լուրջ պատժի չենթարկի: Համենայնդեպս, մեր աղբյուրները փոխանցում են, որ արդեն իսկ «վերևներից» դատական իշխանությանը հրահանգվել է Սարգիս Վարդանյանին անաղմուկ դատել: Ենթադրվում է, որ հրահանգն իջեցվել է ուղիղ Բաղրամյան 26-ից: Հիշեցնենք, որ Վարդանյանների մորական պապը հայտնի Գազի Կոլյան է, Տրանսգազ ՍՊԸ տնօրեն Նիկոլայ Գաբրիելյանը, որը ազդեցիկ անձ է իշխանությունների համար»:
Առավել մանրամասն՝ թերթի այսօրվա համարում:
