18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ԱԻՆ 227 աշխատակից եղել է Մարտունի-Հադրութ հատվածում. փոխնախարար. ՏԵՍԱՆՅՈՒԹ
04.12.2020 | 13:00
ԱԻՆ-ի աշխատանքները, սկսած սեպտեմբերի 27-ից, եղել են բավական հագեցած: Բացի իր հիմնական գործառույթներից՝ նախարարությունը մասնակցել է հումանիտար բեռ բաշխելու գործընթացներին: Այսօր մամուլի ասուլիսի ժամանակ ասաց ԱԻ փոխնախարար Արմեն Փամբուխչյանը:
«Մարդասիրական օգնությունը պահեստավորվել, սորտավորվել և ուղարկվել է Արցախ, ՀՀ մարզեր և Երևանում ժամանակավորապես ապաստանած արցախցիներին», – ասաց նա՝ ավելացնելով, որ ԱԻ աշխատակիցների աշխատանքի անբաժանելի մասն է կազմել Արցախում հրդեհների մարումը, ենթակառուցվածքների վերականգնումը, ինչպես նաև վիրավորների և զոհվածների մարմինների դուրս բերումը մարտական գործողությունների վայրերից:
ԱԻՆ աշխատակիցներից կամավոր խումբ է ձևավորվել, 227 աշխատակից մեկնել է առաջնագիծ, եղել են Մարտունի-Հադրութ հատվածում, և այդ հատվածը մնացել է հայկական ուժերի վերահսկողության ներքո: Բարեբախտաբար զոհվածներ և վիրավորներ չունենք»,- նշեց ԱԻ փոխնախարարը:
Անդրադառնալով ԱԻՆ-ի կողմից ներկայումս տարվող աշխատանքներին՝ Արմեն Փամբուխչյանը դրանցից առանձնացրեց շչակների համալրման, ժամանակավոր ապաստարանները պատշաճ վիճակի բերելու գործողությունները:
Մանրամասները՝ տեսանյութում:
