21.05.2026 | 18:45
ՄՈԳՈ-ն զարգանում է մարզերում․ Վանաձորի մասնաճյուղը՝ նոր տեսքով ու հնարավորություններով․ ՏԵՍԱՆՅՈՒԹ
Ռուս խաղաղապահներով հերթական 20 ինքնաթիռն է ժամանել Հայաստան. ՌԴ ՊՆ
Քաղաքականություն
20.11.2020 | 13:17
ՌԴ ռազմատրանսպորտային ավիացիային պատկանող ևս 20 ինքնաթիռ Հայաստան է տեղափոխել ռուս խաղաղապահների։ Այս մասին հայտնել են ՌԴ ՊՆ-ից։
«Ռուսաստանի օդատիեզերական ուժերին պատկանող հերթական 18 «Իլ-76» և 2 «Ան-124» ռազմատրանսպորտային ինքնաթիռները՝ 15-րդ խաղաղապահ բրիգադի անձնակազմով, որոնք ուղարկվել են Հայաստան Լեռնային Ղարաբաղի հակամարտության գոտում խաղաղապահ առաքելություն իրականացնելու համար, վայրէջք են կատարել Երևան քաղաքի օդանավակայաններում»,- ասել են ռազմական գերատեսչությունից։
ՌԴ ՊՆ տվյալներով՝ ՌԴ օդատիեզերական ուժերի ինքնաթիռները Հայաստան են տեղափոխել 33 միավոր տեխնիկա՝ «Վագր» և «Լուսան» զրահամեքենաներ, ամենագնաց բեռնատարներ և այլ տեխնիկական միջոցներ։
Նոյեմբերի 10-ից մինչ օրս իրականացվել է 226 ինքնաթիռների թռիչք, պարզաբանել են ռազմական գերատեսչությունից։
Տաթև Ֆռանգյան
