28.11.2024 | 10:28
Ռոբերտ Քոչարյանը, Յուրի Խաչատուրովը և Սեյրան Օհանյանն ինքնակամ ներկայացել են դատարան, նրանց բերման չեն ենթարկել
Moderna-ի մշակած կորոնավիրուսի դեմ պատվաստանյութի արդյունավետությունն 94․5% է
Քաղաքականություն
16.11.2020 | 19:05
Ամերիկյան Moderna ընկերության կողմից մշակված կորոնավիրուսի դեմ պատվաստանյութի արդյունավետությունն այս պահի դրությամբ 94․5% է։ Այս մասին ասվում է ընկերության հրապարակած հայտարարության մեջ, փոխանցում է ՏԱՍՍ-ը։
«Ընկերությունն այսօր հայտարարել է, որ COVID-19-ի դեմ mRNA-1273 հնարավոր պատվաստանյութի ուսումնասիրման երրորդ փուլում մոնիթորինգի անկախ խումբը տեղեկացրել է Moderna-ին, որ փորձարկումները համապատասխանում են վիճակագրական չափանիշներին, որոնք սահմանված են արդյունավետության ուսումնասիրության արձանագրություններում, և պատվաստանյութի արդյունավետությունը կազմում է 94․5%»,- ասվում է հաղորդագրությունում։
Ըստ Moderna-ի տվյալների՝ ուսումնասիրություններին մասնակցել է 30 հազար մարդ։
ԱՄՆ Ալերգիկ և ինֆեկցիոն հիվանդությունների ազգային ինստիտուտի տնօրեն Էնթոնի Ֆաուչին ուրբաթ կարծիք է հայտնել, որ Pfizer և BioNTech ընկերությունների, ինչպես նաև Moderna-ի մշակած կորոնավիրուսի դեմ պատվաստանյութերը հավասարաչափ արդյունավետ կլինեն, քանի որ դրանք ստեղծվում են ընդհանուր տեխնոլոգիայի միջոցով:
Տաթև Ֆռանգյան
