28.11.2024 | 09:46
Հրդեհ Լեռնավան գյուղում
Շերը կոչ է արել պատժամիջոցներ կիրառել Թուրքիայի ու Ադրբեջանի դեմ
Քաղաքականություն
12.11.2020 | 11:30
Հայկական ծագումով աշխարհահռչակ երգչուհի Շերը՝ անդրադառնալով ԼՂ շուրջ վերջին զարգացումներին հայտարարել է, որ կորոնավիրուսային համավարակը, ԱՄՆ-ում ընտրությունները և այլ կարևոր հիմնախնդիրները շեղում են մարդկանց ուշադրությունը՝ թույլ չտալով նկատել Արցախում իրականացվող էթնիկ զտումները։ Շերը նշել է, որ հայ խաղաղ բնակիչները ստիպված հեռանում են իրենց նախնիների հողերից։ Հաշվի առնելով Հայոց ցեղասպանությունն ու պատմությունը՝ վերջինս կոչ է արել միջազգային կառույցներին պատժամիջոցներ կիրառել ընդդեմ Ադրբեջանի ու Թուրքիայի, որոնք հարձակվել են Հայաստանի վրա։
«ԱՄՆ-ն իր հարկատուների դոլարներն ուղարկում է այդ ավտորիտար ռեժիմներին, ինչպես նաև զենք է վաճառում նրանց։ Կապվե՛ք ձեր ներկայացուցիչների հետ հենց հիմա և պահանջեք, որ քայլեր ձեռնարկեն»,- հորդորել է երգչուհին՝ նշելով, որ միայն վրդովմունքն ու հորդորները բավարար չեն։
Շերը նաև կոչ է արել նվիրաբերություն կատարել «Հայաստան» համահայկական հիմնադրամին։
Տաթև Ֆռանգյան
Let’s get unified! Join me & my Armenian brother @esrailian in sharing this important message. Use @ANCA_DC & @ARAMAC_DC links to contact your representatives to take action now & sent support to @ArmeniaFund pic.twitter.com/90iebijWRN
— Cher (@cher) November 11, 2020
