12.08.2026 | 23:14
6 խաղափուլից հետո միանձնյա առաջատարն է գրոսմայստեր Էմին Օհանյանը. Եվրոպայի Մ20 տարեկանների առաջնություն
ԼՂ-ում տեղակայվելու են միայն ռուս խաղաղապահներ․ Մարիա Զախարովա
Քաղաքականություն
10.11.2020 | 14:12
Լեռնային Ղարաբաղի շփման գծում տեղակայվելու են միայն ռուս խաղաղապահներ։ Այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան։ Հաղորդում է Ռիա Նովոստին։
«Կարևոր պահը, որին ուզում եմ ձեր ուշադրությունը հրավիրել խաղաղապահ ուժերի մասին։ Խոսքը գնում է ՌԴ խաղաղապահ ուժերի մասին։ Երբ հրապարակվի հայտարարության տեքստը, ոչ մեկի մոտ կասկած չի մնա։ Կուզենայի ևս մեկ անգամ ուշադրություն հրավիրել ՌԴ նախագահի խոսքերին։ Խոսքը գնում է ԼՂ-ի շփման գծում ռուս խաղաղապահների մասին»,- ասել է Մարիա Զախարովան «Էխո Մոսկվա» ռադիոկայանի հետ զրույցում։
ՌԴ պաշտպանության նախարարության տվյալներով ՝ ԼՂ-ի հակամարտության գոտում տեղակայվում է ռուսական խաղաղապահ կոնտինգենտ՝ 1960 զինվորական, 90 զրահամեքենա, 380 միավոր մեքենա և հատուկ տեխնիկա։ Զորախմբի հիմքն են կազմում Կենտրոնական ռազմական օկրուգի 15-րդ մոտոհրաձգային բրիգադի ստորաբաժանումները։
Էմմա Չոբանյան
