24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Շուշի տանող ճանապարհին բազմաթիվ դիակներ են մնացել, այս պահին էլ մարտերը շարունակվում են. Արծրուն Հովհաննիսյան. ՏԵՍԱՆՅՈՒԹ
06.11.2020 | 22:13
Շուրջ երկու օր չեն դադարում մարտերը Շուշիի շրջակայքում: Այս մասին մամուլի ասուլիսի ժամանակ ասաց ՀՀ ՊՆ ներկայացուցիչ Արծրուն Հովհաննիսյանը։
«Այսօր և երեկ, անցնող գիշերը բավական ինտենսիվ և ծանր մարտեր էին Շուշիի շրջակա բնակավայրերում, Շուշի տանող ճանապարհին և Շուշիի մերձակայքում։ Եթե 1992 մայիսի 8-ը հայոց պատմության մեջ նշվել է որպես Շուշիի ազատագրման օր, այս անցնող օրերը հայոց պատմության մեջ կմտնեն որպես Շուշիի պաշտպանության փայլուն օրեր», – ասաց Հովհաննիսյանը։
«Հակառակորդի հետախուզադիվերսիոն առանձին վաշտային մարտավարական խմբերի, վարձկանների, հրոսակախմբերի ոչնչացման «Գյոռբագյոռ» ռազմական գործողությունը հաջողությամբ շարունակվում է։
Այսօր մեր հրետանին, հետևակը և այլ ստորաբաժանումներն ուղղակի հրաշքներ են գործել։ Թշնամու զորքերից, վարձկաններից և մնացած թափթփուկներից Շուշի տանող ճանապարհների ձորակներում տասնյակ, եթե ոչ հարյուրավոր դիակներ են մնացել։ Առաջիկայում համապատասխան տեսանյութերը կլինեն», – նշեց ՊՆ ներկայացուցիչը:
Նրա խոսքով՝ այս պահին էլ մարտերն ընթանում են, բայց դրանց ուժգնությունը զգլալիորեն թուլացել է։
