18.11.2024 | 17:31
Դեռ հրաժարական չի տվել, հիվանդանոցում է․ Փարաքար համայնքի ղեկավարի տեղակալը՝ համայնքապետի մասին
Դիակները հանելու պատրվակով փորձել են մեր դիրքեր ներթափանցել. Արծրուն Հովհաննիսյան. ՏԵՍԱՆՅՈՒԹ
03.11.2020 | 22:13
«Այսօր վաղ առավոտյան Մարտունիից հարավ ադրբեջանական զինված ուժերի ստորաբաժանումները զրահատեխնիկայի, օդուժի, հրետանու աջակցությամբ փորձել են հարձակում զարգացնել: Կորցնելով մի քանի զրահատեխնիկա և զգալի թվով կենդանի ուժ՝ հետ են շպրտվել ելման գծեր, և ողջ օրվա ընթացքում հայկական ստորաբաժանումները շարունակել են թշանու ուժերի ոչնչացումը։ Այս մասին միասնական տեղեկատվական կենտրոնում հրավիրված ասուլիսում տեղեկացրեց ՀՀ ՊՆ ներկայացուցիչ Արծրուն Հովհաննիսյանը։
«Կեսօրին հյուսիսային ուղղությամբ` Քարվաճառի հատվածում, մի քանի անգամ հակառակորդը փորձել է ծխածածկույթի քողի տակ դիակները հանելու պատրվակով դիվերսիոն ներթափանցում իրականացնել դեպի հայկական կողմի միջդիրքային տարածություններ, բայց հայտնաբերվել և հեռահար կրակով ոչնչացվել է ու հետ շպրտվել»- նշեց ՊՆ ներկայացուցիչը:
Նա նաև հավելեց, որ քիչ առաջ պաշտոնապես հայտարարվել է՝ «Սմերչ» կայանքից հրթիռակոծվել են Ստեփանակերտ և Շուշի քաղաքները, կան տուժածներ, հրդեհ է բռնկվել, որը մարելու ուղղությամբ հրշեջներն աշխատում են: Ստեփանակերտում թիրախավորվել է Մոր և մանկան կենտրոնը:
Մանրամասները՝ տեսանյութում:
