06.12.2025 | 15:29
Ֆրանսիայից ժամանած պատվիրակությունն այցելել է Հայոց ցեղասպանության հուշահամալիր
Նախարարը ծանոթացել է «Կարմիր բլուր» կայարանի արդիականացման աշխատանքներին
Տնտեսություն
25.12.2017 | 19:17
ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանն այսօր այցելել է «Հարավկովկասյան երկաթուղու» «Կարմիր բլուր» կայարան:
Վերջերս կայարանում իրականացվել են էներգահամակարգի արդիականացման աշխատանքներ, որոնք տարվել են 3 փուլերով: Շրջայցի ընթացքում ընկերության ղեկավար Սերգեյ Վալկոն նախարարին ներկայացրեց կայարանի այդ աշխատանքների արդյունքները:
2017 թվականին իրականացված երրորդ փուլում 4 գծեր և 18 սլաքային փոխադրիչներ միացվել են ընդհանուր էլեկտրահամակարգին: Դա թույլ է տալիս բարձրացնել գնացքների երթևեկության և կայարանում մանևրային աշխատանքի անվտանգությունը, արագացնել փոխադրումների գործընթացը, գնացքների ընդունման մեկնման և ձևավորման գործառույթները:
Նախարարին ներկայացվեց նաև բեռնափոխադրումների կառավարման էլեկտրոնային համակարգը, որով վերահսկվում են բեռնափոխադրող բոլոր գնացքների տեղաշարժն ու ուղին: Փոխադրողը, ներկայացնելով իր բեռի մասին մանրամասներն ու փոխադրման վայրը, հնարավորություն ունի, վայրկյանների ընթացքում իմանալու ծառայության արժեքը:
Հարավկովկասյան երկաթուղու և երկու փոխադրող ընկերությունների միջև այսօր ստորագրվեցին համագործակցության նոր պայմանագրեր, որոնք հնարավորություն կտան զգալիորեն մեծացնել երկաթուղով իրականացվող բեռնային աշխատանքի ծավալները:
