15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Շտապօգնության բժիշկը պատշաճ չի կատարել իր պարտականությունները. հիվանդը մահացել է
Հասարակություն
23.12.2017 | 14:05
րագածոտնի մարզում շտապօգնության բժիշկը հայտնվել է ամբաստանյալի աթոռին՝ հիվանդին պատշաճ բուժօգնություն չցուցաբերելու համար:
«Ապարան բժշկական կենտրոն» ՓԲԸ-ում որպես շտապօգնության բժիշկ աշխատող Արմինե Ռամազյանը, պարտավոր լինելով պատշաճ իրականացնել իր մասնագիտական պարտականությունները, 12.03.2017թ. կանչով մեկնել է Ապարան քաղաքի բնակիչ Ներսիկ Ղազարյանի բնակարան, սակայն, ըստ մեղադրանքի, բժիշկը կանչի ժամանակ ոչ պատշաճ և անբարեխիղճ է կատարել իր մասնագիտական պարտականությունները, ինչի հետևանքով Ներսիկ Ղազարյանը, գիտակցության չգալով, 13.03.2017թ. բժշկական կենտրոնում մահացել է:
Արմինե Ռամազյանին մեղադրանք է առաջադրվել՝ ՀՀ քրեական օրենսգրքի 130-րդ հոդվածի 2-րդ մասով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
Գործը մակագրվել է դատավոր Սուրեն Մնոյանին:
