02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Էրդողանը Պուտինին առաջարկել է միասին լուծել ղարաբաղյան հակամարտությունը
Քաղաքականություն
28.10.2020 | 15:44
Թուրքիայի նախագահ Թայիփ Էրդողանը հայտարարել է, որ նախօրեին ՌԴ նախագահ Վլադիմիր Պուտինի հետ հեռախոսազրույցի ժամանակ առաջարկել է ռուս առաջնորդին միասին կարգավորել ղարաբաղյան հակամարտությունը, գրում է ՌԻԱ Նովոստին։
«Մենք Պուտինի հետ քննարկել ենք Ղարաբաղում իրադարձությունները։ Մենք ասացինք՝ եկեք Կովկաս, լուծենք այս հարցը։ Եթե ցանկանում եք, եկեք միասին լուծենք։ Դուք խոսեք ձեր գործընկերների հետ, մենք՝ մեր։ Թող մեր երկրների ԱԳՆ ղեկավարներն ու մյուսներն էլ խոսեն։ Կարևորը հասկանանք՝ կլուծե՞նք մենք այս հարցը, թե՞ ոչ։ Եկեք արդեն ավարտենք սա։ Մենք արդար ենք։ Եվ հավատում ենք, որ դուք էլ եք անկեղծ»,- Թուրքիայի խորհրդարանում ունեցած ելույթում ասել է Էրդողանը։
«Մեզ ասում են՝ մենք Մերձավոր Արևելքից Ադրբեջան օտարերկրյա զինյալների ենք ուղարկում։ Ես ասացի հարգարժան Պուտինին, որ այժմ Քուրդիստանի աշխատավորական կուսակցությունից շուրջ 2․000 զինյալ մարտնչում է Հայաստանի կողմից, և նրանց վճարում են 600 դոլար։ Նա պատասխանեց, որ այդ մասին ոչինչ չգիտի։ Ահա ես էլ այդ մասին հայտնեցի նրան»,- հայտարարել է Էրդողանը։
Տաթև Ֆռանգյան
