25.09.2026 | 23:40
Եղիշե Մելիքյանը՝ Լատվիայի հավաքականի նկատմամբ հաղթանակի մասին. ՏԵՍԱՆՅՈՒԹ
ՀՀ տարածքում 2 ԱԹՍ է խոցվել. Արծրուն Հովհաննիսյան. ՏԵՍԱՆՅՈՒԹ
Քաղաքականություն
18.10.2020 | 22:21
Ադրբեջանին պետք չեն իր դիերը: Այս մասին այսօր հրավիրված ասուլիսի ժամանակ հայտարարեց ՀՀ ՊՆ ներկայացուցիչ Արծրուն Հովհաննիսյանը՝ անդրադառնալով դիտարկմանը, որ ՏԱՍՍ-ը, վկայակոչելով ադրբեջանական պետական մարմինները, գրել էր, որ Ադրբեջանը պատրաստ է միակողմանի կարգով Հայաստանին փոխանցել ադրբեջանական կողմում գտնվող հայ զինծառայողների մարմինները Թովուզի շրջանում՝ Կարմիր խաչի միջնորդությամբ:
«Լիովին չեմ տիրապետում այս տեղեկությանը, բայց դա ինձ համար բոլորովին զարմանալի չէ, թեև ինքս էլ կարդացել եմ ՏԱՍՍ-ի հաղորդագրությունը: Այս տեղեկությունը շատ խոսուն է այն իմաստով, որ Ադրբեջանին պետք չեն սեփական դիերը, Ադրբեջանը թքած ունի սեփական կորուստների վրա: Ես այսօր տեսա նաև այն տեսանյութը, որի մասին տղաներն ասեկոսեներով ասում էին, ես լսում էի զորքերից և մի քանի անգամ բարձրաձայնել եմ, թե ճահճուտներում ինչպես են կենդանիները հոշոտում իրենց դիակները: Այնպես՝ որ զարմանալու ոչինչ չկա»,-ասաց ՊՆ ներկայացուցիչը:
Հարցին՝ հավաստի՞ են լուրերը, որ Գորիսում և Վարդենիսում թշնամական ԱԹՍ-ներ են նկատվել, Արծրուն Հովհաննիսյանը պատասխանեց, որ 2 ԱԹՍ խոցվել է Հայաստանի Հանրապետության տարածքում, սակայն այլ մանրամասներ չցանկացավ հայտնել:
Մանրամասները՝ տեսանյութում։
