10.02.2026 | 11:33
Ընդդիմադիրները ՀՌՀ անդամ Հակոբ Հակոբյանի լիազորությունների դադարեցման մասին որոշման նախագիծ են ներկայացրել
Հրադադարի ռեժիմի վերահսկողության մեխանիզմների անհապաղ համաձայնեցմանն այլընտրանք չկա․ Լավրովը հեռախոսազրույց է ունեցել Բայրամովի հետ
Քաղաքականություն
14.10.2020 | 15:56
Ռուսաստանի ԱԳ նախարար Սերգեյ Լավորովն այսօր հեռախոսազրույց է ունեցել ադրբեջանցի գործընկեր Ջեյհուն Բայրամովի հետ։ Կողմերը քննարկել են Լեռնային Ղարաբաղում ստեղծված իրավիճակ, հայտնել են ՌԴ ԱԳՆ-ից։
Հեռախոսազրույցը տեղի է ունեցել ադրբեջանական կողմի նախաձեռնությամբ։
«Քննարկվել է այն բարդ իրավիճակը, որը ստեղծվել է Լեռնային Ղարաբաղի հակամարտության գոտում։ Հաստատվել է հոկտեմբերի 10-ին ՌԴ, Ադրբեջանի ու Հայաստանի արտգործնախարարների մոսկովյան հայտարարության դրույթներն անշեղորեն իրականացնելու անհրաժեշտությունը։ ՌԴ-ի կողմից շեշտադրվել է, որ հրադադարի ռեժիմի վերահսկողության մեխանիզմների անհապաղ համաձայնեցմանն այլընտրանք չկա, ինչն էլ հիմք կհանդիսանա Լեռնային Ղարաբաղի հակամարտության քաղաքական-դիվանագիտական կարգավորման համար հետագա քայլերի համար»,- մասնավորապես ասվում է ՌԴ ԱԳՆ հաղորդագրությունում։
Տաթև Ֆռանգյան
