Սա Ադրբեջանին խայտառակելու գործընթաց պիտի լինի․ վերցնե՛նք նրա ձեռքից առաջին հարվածի իրավունքը․ Գևորգ Մելիքյան

Factor.am-ի հարցազրույցը ՀՀ նախագահի օգնական, քաղաքագետ Գևորգ Մելիքյանի հետ

– Ադրբեջանի գլխավոր մարտավարությունը նախկինում եղել է պատերազմի սպառնալիքով հայկական կողմին պարտադրելը միակողմանի զիջումների գնալ։ Այս պատերազմում տապալումից հետո, ըստ Ձեզ, Արցախի հարցի ռազմական լուծումը դուրս կգա՞ Ադրբեջանի քաղաքական օրակարգից։

– Այնքան իռացիոնալ բաներ են տեղի ունենում Ադրբեջանում, և դժվար է իռացիոնալությանը տալ ռացիոնալ գնահատականներ։ Ես հուսով եմ, որ Ձեր հարցի պատասխանը կախված կլինի այն բանից, թե ռազմի դաշտում մենք ինչպիսի ռազմավարական հաջողություններ կունենանք, որքանով կկոտրվի ադրբեջանական ռազմատեխնիկական համալիրի ողնաշարը, որքանով նրանք ճնշման տակ կընկնեն միջազգային խաղացողների կողմից։ Այս բոլորը հետագայում կտա այն պատկերը, թե ինչ կունենանք Ադրբեջանի հետ, Թուրքիան հետ կքաշվի՞, արդյոք, մենք կկարողանա՞նք միջազգային ատյաններում դատական պրոցեսները տանել։

2016 թվականին մենք խնդիր ունեցանք և, կարծես, մոռացվեց 2016-ը։ Այսօր արդեն նկրտումները Հայաստանի տարածքի վրա են, Վարդենիսում կորուստ ունեցանք։ Այդ բոլորը պետք է հստակ միջազգային իրավունքի առումով ճիշտ ձևակերպումներ ունենա, որպեսզի հաջորդ անգամ այլևս Ադրբեջանի որոշելիքը չլինի՝ ինքը կհարձակվի՞, թե՞ ոչ։

Ցավոք, տարիների ընթացքում առաջին հարվածի իրավունքը եղել է նրանց մոտ, նրանք որոշել են, որ 2016-ին պետք է հարձակվեն, դա շատ հանգիստ կարող էին անել ավելի շուտ, ավելի ուշ։ Հենց սա է, որ պետք է վերցնել Ադրբեջանի ձեռքից, ուղղակիորեն վերցնել ուժ կիրառելու բարոյական, քաղաքական, ռազմական բոլոր հնարավորությունները։ Սա միջազգային հարթակներում Ադրբեջանին պետությանը ուղղակիորեն խայտառակ անելու գործընթաց պիտի լինի։

Հարցազրույցն ամբողջությամբ՝ տեսանյութում։

Ռոբերտ Անանյան