17.12.2025 | 17:25
Կիևի «Դինամոն» գլխավոր մարզիչ է նշանակել «Նոայի» դեմ խաղից առաջ
Պապա պինդ կաց, մենք կգանք․ արցախցի փոքրիկների կոչը սահմանին գտնվող հայրիկներին. ՏԵՍԱՆՅՈՒԹ
Հասարակություն
07.10.2020 | 22:47
140 արցախցի՝ տարբեր տարիքի ու տարբեր շրջաններից, եկել է Հայաստան ու մեկ ընտանիք դարձել, մեկ ցանկությամբ՝ հնարավորինս շուտ վերադառնալ տուն՝ Արցախ։
Factor TV-ի հետ զրույցում 9-ամյա Միքայել Միրզոյանը հուզվում է, քույրը՝ 14-ամյա Թագուհին է եղբորն օգնության հասնում։
Իսկ 6-ամյա Օֆան միայն խաղալիքներն է կարոտել, չնայած արդեն նոր տիկնիկ է նվեր ստացել, բայց անհանգստանում է՝ մյուս տիկնիկները տանը մենակ են մնացել կվախենան։ Օֆայի քույրիկը՝ 10 տարեկան Արմինեն, ավելացնում է․ խաղալիքներից բացի՝ Արցախում մնացել է նաև հայրիկը, բայց ոչ թե տանը, այլ տունը պաշտպանելու համար։
Ամբողջ ընտանիքը թողել Արցախում և երեկ երեկոյան 2 երեխաների հետ Հայաստան է եկել նաև 24-ամյա Ասպրամ Բալայանը։ Րոպե առաջ ուզում է հետ վերադառնալ։
Եթե չլիներ 4 տարեկան Գեղամի անվտանգության հարցը, 40-ամյա Ալյոնա Դադամյանն էլ իր տանից չէր հեռանա։
Իսկ 66-ամյա արցախցի տատիկի միակ ցանկությունն է՝ սուրճը էլի իր տանը խմել։ Եթե տունը չլինի էլ, ոչինչ, կարևորը տղերքը գան, էլի տուն կկառուցեն։
Մանրամասները՝ տեսանյութում։
Իրինա Մկրտչյան
