21.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Դատապարտյալները խնդրում են իրենց տանել պատերազմ․ դիմումներ են գրել ՔԿՀ-ներին
Հասարակություն
05.10.2020 | 20:04
Factor.am-ի խմբագրություն են դիմել Քրեակատարողական հիմնարկներում պահվող մի խումբ դատապարտյալներ՝ պատրաստակամություն հայտնելով մեկնել պատերազմ և մասնակցել հայրենիքի պաշտպանությանը։ Դատապարտյալների խնդրանքը մեզ են փոխանցել նրանց հարազատները։
Դատապարտյալները նշում են, որ իրենք մեծ ուժ են ներկայացնում և, առանց հետագայում ազատվելու պայմանի, պատրաստ են զենք վերցնել։ Նրանցից շատերն արդեն դիմումներ են ներկայացրել ՔԿՀ-ներ, իսկ մեր միջոցով խնդրում են ռազմաքաղաքական ղեկավարությանը՝ լրջորեն քննարկել այս առաջարկը։
Նշենք, որ արդարադատության նախարար Ռուստամ Բադասյանն այսօր մասնակցել է Քրեակատարողական ծառայության կամավորական համահավաք վաշտը ռազմաճակատ ճանապարհելու միջոցառմանը։
«Տղաների ոգին տեղն է․ խոսք տվեցին հաղթանակով վերադառնալ։ Տղե՛րք, վստահ եմ, որ խոստումներդ կատարելու եք, և անչափ հպարտ, որ ձեր պես հայրենիքին նվիրված գործընկերներ ունեմ, որոնք պատրաստ են իրավակարգի ամրապնդման իրենց գործը ժամանակավոր թողնել և նվիրվել հայրենիքի պաշտպանության սուրբ գործին։ Անփորձանք ու հաղթական վերադարձ եմ ցանկանում՝ հանուն Հայաստանի Հանրապետության, հանուն Արցախի Հանրապետության և հանուն հայ ազգի»,- նշել է նախարար Ռուստամ Բադասյանը։
Ռոբերտ Անանյան
