11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Արշավիր Ղարամյանը հեռացրել է Մինգեչաուրի ՋԷԿ-ի հետ կապված աղմկահարույց գրառումը. Արցախի նախագահականից հորդորում են հետևել պաշտոնական հրապարակումներին
Հասարակություն
05.10.2020 | 13:28
Արցախի նախագահի մամուլի խոսնակ Վահրամ Պողոսյանը չի մեկնաբանում Արցախի Հանրապետության անվտանգության խորհրդի նախկին քարտուղար Արշավիր Ղարամյանի ֆեյսբուքյան գրառումը, որում նշված էր. «Նշանակետ թիվ 2 Մինգեչաուրի ՋԷԿ, չշփոթել ՀԷԿ-հետ»: «Չեմ մեկնաբանում: Եթե խոսքը վերաբերում է ռազմական գործողություններին, ապա խնդրում եմ հետևել միայն Պաշտպանության բանակի տարածած տեղեկատվությանը: Խոսքը նախկին պաշտոնյայի մասին է, ով կարող է իրեն թույլ տալ գրառումներ անել, քանի որ ազատ է իր մտքերը շարադրել»:
Ի դեպ, Արցախի նախկին բարձրաստիճան պաշտոնյան հրապարակումից մի քանի ժամ անց այս գրառումը հեռացրեց ֆեյսբուքից: Արշավիր Ղարամյանի գրառմանը զուգահեռ ադրբեջանական քարոզչամեքենան սկսեց կեղծ լուսանկարներ և տեսանյութեր տարածել, թե հայկական կողմը հրթիռ է նետել Մինգեչաուրի ՋԷԿ-ի վրա, որը, իբրև թե, բախտի բերմամբ, չի պայթել: Թե ինչու է Արցախի հերոս Արշավիր Ղարամյանը նման աղմկահարույց գրառում արել, ապա հեռացրել, փորձեցինք ճշտել իրենից, սակայն նրա հեռախոսահամարն անհասանելի էր:
Նարեկ Կիրակոսյան
