09.10.2026 | 23:15
ԿԸՀ-ն արձագանքել է Հրազդանի ընտրատարածքում դիտորդի մասնակցությամբ միջադեպին
ՄԻԵԴ որոշումը մեզ համար հաջողություն է․ Եղիշե Կիրակոսյան. ՏԵՍԱՆՅՈՒԹ
Հասարակություն
30.09.2020 | 12:43
Մարդու իրավունքների եվրոպական դատարանը որոշում է ընդունել, որով կոչ է անում Ադրբեջանին և Հայաստանին՝ զերծ մնալ այնպիսի միջոցների կիրառումից, որոնք կառաջացնեն քաղաքացիական բնակչության իրավունքների խախտումներ։ Լրագրողների հետ ճեպազրույցում այս մասին ՄԻԵԴ-ում ՀՀ ներկայացուցիչ Եղիշե Կիրակոսյանը։
«Որոշման մեջ ասված է, որ կողմերը հնարավորինս շուտ տեղեկացնեն դատարանին ձեռնարկած միջոցների մասին։ ՄԻԵԴ-ի կողմից հրապարակված տեքստն ակնկալելի էր, նման նախադեպ, որ պետության դիմումի հիման վրա դատարանը կայացնում է միջանկյալ միջոց, եզակի դեպքեր են, սա, կարելի է ասել, երրորդն է»,- ասաց նա:
ՄԻԵԴ-ում ՀՀ ներկայացուցչի խոսքով՝ կարելի է ասել, որ ՄԻԵԴ որոշումը Հայաստանի համար հաջողություն է, որովհետև Հայաստանի դիմումի ու ապացույցների հիման վրա է որոշումը կայացվել։
«Դատարանը նույնիսկ հարկ չի համարել այն ուղարկել Ադրբեջան՝ լրացուցիչ տեղեկատվություն ստանալու համար, ինչը սովորաբար անում է», – ասաց Կիրակոսյանը:
Նրա խոսքով՝ ՄԻԵԴ որոշման մեջ կարևոր է այն, որ բեռն ավելի շատ ընկնում է Ադրբեջանի կառավարության վրա։ Նա նաև նշեց, որ քննարկում են միջպետական գանգատ ներկայացնելու հարցը։
«Միջպետական գանգատ ներկայացվում է կառավարության որոշման հիման վրա, այս պահին կան սցենարներ, աշխատանքներ ենք տանում», – ասաց ՄԻԵԴ-ում ՀՀ ներկայացուցիչը։
Մանրամասները՝ տեսանյութում:
