20.05.2026 | 22:24
Շոյգուն հայտարարել է, թե ՀՀ ղեկավարության գործողությունները «չեն համապատասխանում ՌԴ-ի հետ դաշնակցային հարաբերությունների ոգուն»
Էրդողանը կրկին սադրիչ հայտարարությամբ է հանդես եկել․ «ԱՄՆ-ը, Ռուսաստանն ու Ֆրանսիան անկարող են լուծել ԼՂ հակամարտությունը»
Քաղաքականություն
28.09.2020 | 17:47
Արցախա-ադրբեջանական զորքերի գծում լարվածության ֆոնին Թուրքիայի նախագահ Ռեջեփ Թայիփ Էրդողանը հերթական անգամ հանդես է եկել սադրիչ հայտարարություններով՝ իր աջակցությունը հայտնելով Ադրբեջանին, գրում է ՏԱՍՍ-ը։
Ստամբուլում ունեցած ելույթում Էրդողանը նաև սուր քննադատության է ենթարկել Ռուսաստանին, Ֆրանսիային ու ԱՄՆ-ին՝ նրանց մեղադրելով անկարողության մեջ։
«ԱՄՆ-ը, Ռուսաստանն ու Ֆրանսիան մինչ օրս՝ շուրջ 30 տարի, այս հարցը չեն կարողացել լուծել։ Իսկ հիմա նրանք բոլորը խորհուրդներ են տալիս»,- հայտարարել է Էրդողանը։
Թուրքիայի նախագահը նաև հայտարարել է, թե ՞ադրբեջանական զորքերն ինքնուրույն են պատերազմում Արցախում»։
Հիշեցնենք՝ հավաստի տեղեկություններ են հայտնվել այն մասին, որ Թուրքիան Հյուսիսային Սիրիայում մարտնչող իր զինվորականներին տեղափոխում է Ադրբեջան՝ հայ-ադրբեջանական հարաբերությունների սրման ֆոնին։
