22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Սաակաշվիլին ազատ է արձակվել. Ուկրաինայի դատախազությունը կբողոքարկի որոշումը
Քաղաքականություն
12.12.2017 | 13:28
Ուկրաինայի գլխավոր դատախազությունը կբողոքարկի դատարանի որոշումը, համաձայն որի՝ Օդեսայի նախկին նահանգապետ և «Նոր ուժերի շարժում» կուսակցության առաջնորդ Միխեիլ Սաակաշվիլիին չի կալանավորվել: Այս մասին հայտնել է Յուրի Լուցենկոն, փոխանցում է Kommersant-ը:
«Չեմ կարող պատկերացնել, որ մի երկրում անհայրենիք մարդը, որը քաղաքացիություն չունի, ուժով սահման հատի: Ընդ որում՝ նրան ուղեկցողներն էլ ուկրաինացի զինծառայողներին ծեծի ենթարկեն»,- ասել է Լուցենկոն:
Գլխավոր դատախազը նշել է՝ ապացույցների է տիրապետում, որ Սաակաշվիլին «Նոր ուժերի շարժում» կուսակցությունը ստեղծել է ուկրաինացի օլիգարխ Սերգեյ Կուրչենկոյի փողերով:
«Մենք պատրաստ ենք ապացուցել, որ տեսանյութն ու Կուրչենկոյի հետ Սաակաշվիլիի խոսակցությունը կեղծված չեն», – ասել է նա:
Նախօրեին Կիևի Պեչերսկի շրջանային դատարանը Միխեիլ Սաակաշվիլիին ազատել է, ում ձերբակալել էին դեկտեմբերի 9-ի գիշերը:
