15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Հրայր Թովմասյանը՝ ՍԴ նախագահի թեկնածու առաջադրվելու և քվեարկության մասին. ՏԵՍԱՆՅՈՒԹ
Քաղաքականություն
24.09.2020 | 12:31
Որևէ դատավորի հետ որևէ թեկնածություն չեմ քննարկել, կարող եմ ենթադրել, որ ՍԴ որոշակի անդամներ միմյանց հետ որոշակի քննարկումներ ունենում են, ես այդ ամբողջից տեղյակ չեմ: Այս մասին այսօր լրագրողների հետ զրույցում նշեց ՍԴ նախկին նախագահ Հրայր Թովմասյանը՝ անդրադառնալով ՍԴ նախագահի և նրա տեղակալների՝ այսօր կայանալիք ընտրությանը:
Հրայր Թովմասյանը հորդորեց ՍԴ նախագահի ընտրության գործընթացը դարի հարց չդարձնել:
«Սահմանադրական դատարանի նախագահն իր հիմնական ֆունկցիան իրականացնելիս ոչնչով չի տարբերվում ՍԴ մյուս դատավորներից: Նախագահն ունի մի առաքելություն՝ ՍԴ-ի բնականոն գործունեությունն ապահովելը, և հարցադրումները, ընտրությունն էլ պետք է կատարվի այդ ասպեկտով: Սա քաղաքական ընտրություններ և քաղաքական հայացքների պայքար չէ, նույնիսկ անձերի պայքար չպետք է դիտարկել, փոքր պրոցեդուրա է»,- նշեց նա:
Հարցին՝ կո՞ղմ է, որ ՍԴ նախագահը լինի ՍԴ նոր անդամներից, Հրայր Թովմասյանը պատասխանեց, որ իր քվեարկությունը կատարելիս առաջնորդվելու է երեք գործոնով՝ հաշվի է առնելու պրոֆեսիոնալ և մարդկային հատկանիշները, որ տվյալ անձն ունակ լինի ՍԴ-ում ապահովել այնպիսի մթնոլորտ, որը հնարավորություն կտա մյուս անդամներին աշխատել, և երրորդ՝ վարչական և կազմակերպչական ունակություններ ունենա:
Թովմասյանը նաև հավելեց, որ առարկայական քննարկում չի եղել, սակայն ենթադրում է, որ կլինի ՍԴ նախագահի մի քանի թեկնածու:
Մանրամասները՝ տեսանյութում:
