09.10.2026 | 23:15
ԿԸՀ-ն արձագանքել է Հրազդանի ընտրատարածքում դիտորդի մասնակցությամբ միջադեպին
Գործիքը, որը տարիներ շարունակ օգտագործվել է ժողովրդի դեմ, չի փոխվել. Տիգրան Եգորյան. ՏԵՍԱՆՅՈՒԹ
Հասարակություն
07.09.2020 | 13:08
Մարտի 1-ի տուժողների իրավահաջորդների ներկայացուցիչ, փաստաբան Տիգրան Եգորյանն այսօր լրագրողների հետ հանդիպմանը մտահոգություն արտահայտեց՝ կապված Մարտի 1-ի գործով դատավարության և դատարանների գործունեության հետ: Նրա դիտարկմամբ՝ այսօր չի իրականացվում սկզբունքային, հետևողական իրավական քաղաքականություն:
«2018թ. ժողովուրդն իրականացրեց հեղափոխական գործողություններ և ազատվեց ամբողջատիրական իշխանությունից, որը 20 տարի քայքայում էր ինչպես ՀՀ-ն, այնպես էլ անհատական իրավունքերը և, ըստ էության, գործում էր Հայաստանի ժողովրդի դեմ։ Եվ հեղափոխության պատճառներից մեկը իրավունքների զանգվածային խախտումներն էին և ժողովրդավարության նկատմամբ ոտնձգությունները, որոնք իրագործվել էին նաև այսօր գործող դատական համակարգի օժանդակությամբ և միջոցով։ Հեղափոխությունից հետո, երբ շարունակում է գործել այն գործիքը, որը գործել է պետության ու ժողովրդի դեմ, որևէ խնդիր չի կարող լուծվել։ Երբ դահիճին կամ նրա կողքին լուռ կանգնած գործընկերոջը վստահում ես մի գործ, որի հետ կապված նրանք ոճիրներ են գործել, ապա այդ գործը չի կարող ունենլ որևէ հեռանկար»,- ընդգծեց Տիգրան Եգորյանը:
Մանրամասները՝ տեսանյութում։
