15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Կապանում ճոխ աշխատավարձեր են սահմանել. «Հրապարակ»
07.12.2017 | 08:34
«Հրապարակ» օրաթերթը գրում է.
«Կապանում նոյեմբերի 5-ի ՏԻՄ ընտրություններից հետո փոփոխություններ են կատարվել համայնքապետարանի աշխատակազմում, վերանվանվել են որոշ բաժիններ, ինչպես նաեւ սահմանվել են համայնքապետարանի աշխատակիցների, վարչական ղեկավարների աշխատավարձերի դրույքաչափերը: Համայնքի ղեկավար Աշոտ Հայրապետյանի աշխատավարձը նկատելի բարձրացել է՝ այժմ կազմում է 400 հազար դրամ՝ նախորդ 240 հազարի փոխարեն: Համայնքի ղեկավարի տեղակալն ու աշխատակազմի քարտուղարը կստանան 320 հազար դրամ աշխատավարձ, իսկ վարչական ղեկավարների աշխատավարձի դրույքաչափերը կլինեն 140, 120, 110 հազար դրամ:
Համայնքի ղեկավարի մամուլի քարտուղարը, խորհրդականն ու ռեֆերենտը կստանան 180 հազար դրամ, իսկ միակ օգնականը՝ 250 հազար դրամ: 250 հազար դրամ աշխատավարձ կստանան նաեւ բաժնի պետերը, գլխավոր մասնագետները՝ 180 հազար դրամ: Ուշագրավ է, որ բաժինների առաջատար մասնագետները կստանան 140 հազար դրամ աշխատավարձ, նույնքան, որքան սպասարկող բաժնի աշխատակիցները՝ տնտեսվարը, վարորդն ու անվտանգության պատասխանատուն: Պահակը, անցակետի հսկիչն ու հավաքարարն էլ ընդամենը 90 հազար դրամ կստանան: Իսկ Սյունիքի խոշորացված մեկ այլ՝ Քաջարան համայնքի ղեկավարի աշխատավարձը 10 հազար դրամով իջեցվել է, ավագանու որոշմամբ այն կլինի 440 հազար դրամ՝ նախկին 450 հազարի փոխարեն»:
Առավել մանրամասն ` «Հրապարակ» օրաթերթի այսօրվա համարում:
