02.02.2026 | 16:08
Փաշինյանն ու Ալիևը Աբու Դաբիում կմասնակցեն «Զայեդ» մրցանակի հանձնման արարողությանը
Հովիկ Աբրահամյանի և Գագիկ Ծառուկյանի միջով «սև կատու է» անցել. «Իրատես»
05.12.2017 | 09:50
«Իրատես» թերթը գրում է.
«Ասում են, թե Հովիկ Աբրահամյանի և Գագիկ Ծառուկյանի միջով «սև կատուն» անցել է ապրիլյան ընտրություններից անմիջապես հետո. մինչ այդ Արգամիչն ամեն երեկո, ինչպես այսօր Իշխան Զաքարյանն ու Խաչատուր Սուքիասյանը, գնում էր «այգի» (Ծառուկյանի հայտնի Առինջի այգին), ջան ասում, ջան լսում:
Տարընթերցումն առաջացել է ԲՀԿ խորհրդարանական ցուցակի հետ կապված՝ Ծառուկյանը չի ցանկացել, որ Արգամիչը «խառնվի էդ բազարին, իր մարդկանց բրթի առաջ», մանավանդ որ «թեմայի մեջ» էր նաև նախագահականը, իսկ ԿԸՀ-ում այդ օրերին տեղի ունեցածն էլ ավելի լարեց այդ հարաբերությունները, «հիմա նրանք բավարար դիստանցիայով են շփվում միմյանց հետ»,- ասաց ԲՀԿ մեր աղբյուրը:
Ծառուկյան-Արգամիչ հաջորդ տարընթերցումն էլ առնչվում է այն հանգամանքին, որ Արգամիչը Սամվել Կարապետյանի, վարչապետ Կարեն Կարապետյանի հետ այսօր որոշակի շփումներ ունի, որոնց հետ վերջին շրջանում Ծառուկյանը «գլադիատորական մարտեր» է մղում»:
Առավել մանրամասն՝ թերթի այսօրվա համարում:
