05.07.2026 | 16:43
Կրեմլը մանրամասներ է հայտնել Պուտինի և Թրամփի հեռախոսազրույցի բովանդակությունից
Աջակցություն՝ զբոսաշրջության ոլորտին․ Կառավարությունը հաստատեց աջակցության 23-րդ ծրագիրը
Մշակույթ
13.08.2020 | 13:08
Կառավարությունն այսօր հաստատեց կորոնավիրուսի տնտեսական հետևանքների չեզոքացման 23-րդ միջոցառումը, որը աջակցություն է նախատեսում զբոսաշրջության ոլորտին։
Նախագիծը Կառավարության նիստում ներկայացրեց էկոնոմիկայի նախարար Տիգրան Խաչատրյանը։
«Այս աջակցության նպատակը նշված ոլորտում գործող կազմակերպությւոնների աշխատատակազմի և աշխատատեղերի պահպանումն է և այդ աշխատատեղերի ավելացման խթանումը։ Աջակցության շահառուների շրջանակը հետևյալն է․ կացության կազմակերպում՝ ներառյալ առողջարաններ, հանրային սննդի կազմակերպում, զբոսաշրջային գործակալություններ և օպերատորներ, և զբոսաշրջային այլ ծառայություններ։ Նախատեսվում է, որ աջակցությունից կօգտվեն այն կազմակերպությունները, որոնք ունեն առնվազն 3 աշխատակից և ստեղծվել են ոչ ուշ, քան 2020 թվականի մարտի 31-ը»,- նշեց նախարարը։
Աջակցության չափը կսահմանվի եկամուտների համամասնությամբ՝ այդ գործակիցը կիրառելով աշխատավարձի ֆոնդի նկատմամբ։
Մանրամասները՝ տեսանյութում։
