09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Արմեն Թավադյանի գույքի վրա դրված կալանքը կվերացվի. դատարանը մասնակի բավարարեց պաշտպանի միջնորդությունը
Հասարակություն
07.08.2020 | 16:47
Երևանի ընդհանուր իրավասության դատարանում, դատավոր Կարեն Ֆարխոյանի նախագահությամբ, «5-րդ ալիք» ՀԸ սեփականատեր Արմեն Թավադյանի գործով հերթական դատական նիստն է ընթանում։
Թավադյանը միանգամից երկու տարբեր գործով է անցնում, որոնք միացվել են։ Դրանցից մեկը հասարակական կարգը տապալելուն է վերաբերվում, մյուսը՝ Մարտի 1-ի գործով տուժողներին կաշառելուն։
Մինչ մեկնարկելը՝ դատական նիստը երեք անգամ ընդմիջեց. նախ ՝մեկնարկից անմիջապես հետո 10 րոպե ընդմիջում հայտարարվեց, քանի որ գործով տուժող Վարդգես Գասպարիի ներկայացուցիչ Տիգրան Եգորյանը և Արմեն Թավադյանի թարգմանիչը չէին ներկայացել դատական նիստին։ Դատարանն ընդմիջում հայտարարեց, որպեսզի պաշտպանական կողմը պարզի, թե երբ կարող է ներկայանալ թարգմանիչը։
Ընդմիջման ավարտից հետո դատարանը ևս մեկ անգամ ընդմիջում հայտարարեց, որի ընթացքում ներկայացավ Տիգրան Եգորյանը, ապա հայտարարվեց երրորդը՝ թարգմանչի բացակայության պատճառով։
Արմեն Թավադյանի պաշտպանը միջնորդեց վերացնել նրա գույքի վրա դրված կալանքի որոշումը, դատարանն այն բավարարեց մասնակի։ «1 միլիոն 512 հազար դրամ չափով դրամական միջոցների վրա դրված կալանքը պահպանվում է, մնացած գույքի շարժական և անշարժ գույքի վերաբերյալ կալանքը հանվում է»,- հայտարարեց նիստը նախագահող դատավորը։
Լիլիթ Շաբոյան
