19.04.2026 | 13:50
Հրդեհ Թաիրով գյուղում
«Պահանջ ներկայացվեց, սակայն փորձում էին հեծանվաերթը շարունակել, բերման ենթարկեցինք». ոստիկանության աշխատակից․ ՏԵՍԱՆՅՈՒԹ
Հասարակություն
06.08.2020 | 19:42
Բերման ենթարկեցինք՝ Ոստիկանության ծառայողի օրինական պահանջները չկատարելու և հավաքներ կազմակերպելու համար։ Երթ էին իրականացնում, որը Կառավարության 298 N որոշման համաձայն արգելվում է։ Օրինական պահանջ ներկայացվեց դադարեցնել, չշարունակել, սակայն վերջիններս փորձում էին շարունակել։ Այս մասին Factor.am-ի հետ զրույցում նշեց Ոստիկանության աշխատակիցը՝ մեկնաբանելով, թե ինչու բերման ենթարկվեցին ի պաշտպանություն Ամուլսարի հեծանվային երթ իրականացնել ցանկացող քաղաքացիները։
Հարցին՝ քանի՞ քաղաքացի է բերման ենթարկվել, Ոստիկանության աշխատակիցը դժվարացավ պատասխանել։ Նա նշեց միայն, որ նրանց Ոստիկանության տարբեր ստորաբաժանումներ են տարել։
Հիշեցնենք՝ այսօր արդեն 3-րդ օրն է՝ Ամուլսարի պահապանները հանքի հարակից տարածքում բողոքի ակցիա են իրականացնում։ Բողոքի ակցիաները վերսկսել են այն բանից հետո, երբ «Լիդիան Արմենիա» ընկերության պահնորդական ծառայության աշխատակիցներն օգոստոսի 4-ի լուսաբացին դեպի Ամուլսար տանող ճանապարհը փակած ակտիվիստների տնակները ապամոնտաժել են ու տեղադրել իրենցը: Ակտիվիստները պահանջում են իրենց ժամանակավոր կացարանները հետ տեղադրել: Նրանք նաև Կառավարությունից հստակ դիրքորոշում են պահանջում հարցի շուրջ:
Մանրամասները՝ տեսանյութում։
Նելլի Մելքոնյան
